سياسة الخصوصية

آخر تحديث: 17 تشرين الأول 2026

تشرح هذه السياسة شلون تتعامل مُر لحلول شحن المركبات الكهربائية (MUR EV Charging Solutions)، بغداد – العراق، ويه بياناتك لما تستخدم محطات الشحن، أو تطبيق مُر، أو صفحات الشحن والمحفظة على murevc.com، أو بوت مُر على واتساب وتلجرام.

البيانات اللي نجمعها

بيانات الحساب: الاسم، ورقم الهاتف، والإيميل، ونوع الزبون (ساكن، موظف، طالب…). ولسكان المجمعات: رقم البناية والشقة.
الدخول بـ Google أو Apple: إذا دخلت بيهم ناخذ اسمك وإيميلك فقط من حسابك. إذا اخترت «إخفاء الإيميل» بـ Apple، يوصلنا إيميل وسيط من Apple بدل إيميلك.
الموقع: التطبيق يستخدم موقعك وإنت فاتحه حتى يعرضلك أقرب المحطات وينبهك إذا كنت قريب من محطة مُر. ما نحفظ موقعك الدقيق أبداً. إذا كنت مسجّل دخول وسامح للتطبيق بالموقع، نحفظ مع حسابك منطقة تقريبية فقط (بدقة كيلومتر تقريباً) حتى نعرف وين يتجمع مستخدمينا ونخطط وين نضيف محطات جديدة. وإذا فعّلت «العروض والأخبار» نستخدم نفس المنطقة التقريبية حتى نرسل إعلانات تخص المحطات القريبة منك. تگدر توقف هذا بأي وقت بإيقاف صلاحية الموقع للتطبيق، وينمسح ويا حسابك.
معلومات السيارة: الشركة المصنّعة والموديل وسنة الصنع ونوع منفذ الشحن، إذا أضفتها، حتى نوجهك للشاحن المناسب لسيارتك.
الكاميرا: لمسح رمز QR على الشاحن فقط. الصورة ما تطلع من جهازك.
رمز الإشعارات: رمز يعطيه جهازك حتى نوصلك الإشعارات.
وسائل التعريف: رقم بطاقة RFID، أو كود الدخول، أو رمز جهاز مرتبط بتطبيق مُر.
بيانات الشحن: المحطة، ووقت البداية والنهاية، وكمية الطاقة (kWh)، والكلفة.
بيانات المحفظة: الرصيد، وطلبات التعبئة، وطريقة الدفع اللي تختارها (زين كاش، ماستركارد، نقدي)، وسجل الحركات. ما نخزن أرقام بطاقاتك المصرفية.
بيانات المراسلة: رقم واتساب أو معرّف محادثة تلجرام لما تربطه بحسابك، والرسائل اللي تبعثها لبوت مُر حتى نجاوبك.

ليش نستخدمها

تشغيل الشحن والتعرف عليك بالمحطة.
حساب الكلفة وسحبها من محفظتك، وتطبيق قواعد سكان المجمع.
إرسال إشعارات عن شحنتك ورصيدك (بدء الشحن، انتهاؤه، نقص الرصيد، تأكيد التعبئة).
إرسال أخبار وعروض مُر (محطات جديدة، تخفيضات) فقط إذا فعّلت «العروض والأخبار» من حسابك بالتطبيق، وتكدر تطفيها بأي وقت.
عرض أقرب المحطات إلك على الخريطة.
الرد على استفساراتك وتحويلها لفريقنا عند الحاجة.
حماية حسابك، مثل رموز التحقق.

ما نبيع بياناتك، وما نشاركها ويه جهات إعلانية، وما نستخدم أدوات تتبع أو إعلانات من جهات ثانية. العروض اللي نرسلها منّا نحن بس، وللي يوافق عليها.

وين تنحفظ ومنو يشوفها

تنحفظ على خدمات Google Firebase، وتنعالج على خوادم Cloudflare.
رسائل واتساب تمر عبر WhatsApp Business Platform من Meta، ورسائل تلجرام عبر Telegram. كل وحدة منهن حسب سياسة الخصوصية الخاصة بيها.
داخل مُر يشوفها بس الموظفين المخولين بإدارة الشحن والمحافظ والدعم.
نكشفها للجهات الرسمية بس إذا القانون العراقي يلزمنا بذلك.

مدة الاحتفاظ

نحتفظ ببيانات حسابك طول ما حسابك فعّال. سجلات الشحن والمدفوعات ممكن نحتفظ بيها مدة إضافية تفرضها المتطلبات المحاسبية والقانونية، وبعدها نحذفها.

طلب حذف بياناتك

من حقك تطلب نسخة من بياناتك، أو تصحيحها، أو حذفها:

من داخل التطبيق: حسابي ← حذف الحساب، أو
ابعث كلمة «حذف حسابي» لبوت مُر على واتساب، أو
راسلنا على info@murevc.com، أو اتصل على 0771 176 3931.

نتأكد إن الطلب من صاحب الرقم، ونحذف الحساب ووسائل التعريف المرتبطة بيه خلال 30 يوم. الرصيد المتبقي بالمحفظة نتفق وياك على طريقة إرجاعه قبل الحذف.

التواصل

مُر لحلول شحن المركبات الكهربائية — بغداد، العراق
info@murevc.com · 0771 176 3931 · murevc.com

Privacy Policy (English summary)

MUR EV Charging Solutions (Baghdad, Iraq) collects account details (name, phone number, email, customer type, and apartment for compound residents; name and email from Google or Apple when you sign in with them - Apple's private relay address if you hide your email), identifiers (RFID card, login code, app device token), charging sessions (station, time, energy, cost), wallet records (balance, top-up requests, chosen payment method; no card numbers), messaging identifiers and messages sent to our WhatsApp and Telegram bots, and a device push token. The app uses your location while open to show the nearest stations and a near-station alert; precise location is not stored. Only if you turn on "Offers and news" do we keep an approximate location (about 1 km) to send offers about stations near you; it is removed when you turn it off. The camera is used only to scan the charger's QR code on your device.

We use this data only to operate charging, bill your wallet, send session and wallet notifications, answer your questions, and secure your account. Offers and news are sent only to customers who turn them on in the app and can be turned off at any time. We do not sell your data, share it with advertisers, or use third-party tracking or ad tools. Data is stored on Google Firebase and processed on Cloudflare; WhatsApp messages go through Meta's WhatsApp Business Platform and Telegram messages through Telegram.

Data deletion: in the app (Account → Delete account), or send "حذف حسابي" to our WhatsApp bot, email info@murevc.com, or call +964 771 176 3931. We verify the request and delete your account and linked identifiers within 30 days.