حاسبة الشاحن
شنو الشاحن المناسب لسيارتك؟
اختار سيارتك وكهرباء بيتك، ونكلك حجم بطاريتها وشكد تمشي، والشاحن المنزلي المناسب، وشكد ياخذ الشحن وكلفته بالبيت وبالمحطات.
شرح مبسّط
طور واحد لو ثلاث أطوار؟
الكهرباء اللي توصل لبيتك (التيار المتردد AC) تجي بطريقتين، وهذا يحدد شكد قوي تكدر تركّب شاحن.
طور واحد (Single-phase)
سلكين: سلك حار (فاز) وسلك متعادل (نول)، بجهد 220 فولت. هذا الموجود بأغلب البيوت بالعراق.
- أقصى شاحن منزلي: 7.4 kW (على 32 أمبير).
- يكفي للشحن الليلي لأغلب السيارات.
- يحتاج خط مستقل للشاحن وقاطع مناسب، بدون تغيير توصيلة البيت.
ثلاث أطوار (Three-phase)
ثلاث أسلاك حارة تشتغل سوا، كل واحد متأخر شوية عن الثاني، بجهد 380 فولت بينهم. موجود بالبيوت الكبيرة والمجمعات والمحلات.
- شاحن 11 kW على 16 أمبير، أو 22 kW على 32 أمبير.
- نفس الأمبير، بس قدرة أكثر بثلاث مرات تقريباً.
- يفيد بس إذا الشاحن الداخلي بسيارتك يقبل أكثر من 7 kW.
شلون تعرف شنو عندك؟ شوف لوحة القواطع بالبيت: إذا القاطع الرئيسي قطب واحد فهو طور واحد. إذا ثلاث أقطاب (ثلاث مفاتيح مربوطة سوا) فهو ثلاث أطوار. إذا مو متأكد، فنيّنا يفحصلك قبل التركيب.
لأصحاب المشاريع
تريد تركّب محطة شحن بمشروعك؟
مول، مجمع، محطة وقود، كراج أو شركة؟ اختار نوع مشروعك وكم سيارة تتوقع باليوم، ونكلك شنو الشواحن المناسبة، وشكد كهرباء تحتاج، وشنو المتطلبات.
شنو تسوي مُر لمشروعك
تجهيز الشواحنAC و DC من موردين معتمدين، حسب مكانك وكهربائك.
كشف وتصميمنزور الموقع، نقيس الكهرباء المتوفرة، ونحدد المواقف والكيبلات والقواطع.
تركيب وتشغيلتركيب كامل ولوحة كهرباء، وربط الشاحن بالإنترنت ومنصة مُر.
برمجة وتشغيل تجاريتسعير، دفع بالتطبيق والبطاقات، تقارير الاستهلاك والأرباح، وإدارة المستخدمين.
صيانة ومتابعةمراقبة لحظية، تنبيه عند العطل، وصيانة دورية.
قائمة سريعة قبل ما تبدي:
- الكهرباء: خط ثلاث أطوار. شواحن DC عادة تحتاج محولة أو تقوية خط من دائرة الكهرباء.
- المكان: مواقف قريبة من لوحة الكهرباء، ومسافة الكيبل كل ما أقصر أرخص.
- الإنترنت: تغطية 4G جيدة أو كيبل إنترنت للشاحن.
- الحماية: قاطع تسريب (RCD) لكل شاحن، وتأريض صحيح، وسقف أو مظلة للشواحن المكشوفة.
- الموافقات: موافقة صاحب المكان أو إدارة المجمع، وموافقة الكهرباء إذا تحتاج قدرة إضافية.